பகுப்பு:பொலிவு
From நூலகம்
பொலிவு மாத இதழானது யாழ்ப்பாணத்தினைக் களமாகக் கொண்டு வெளிவந்த இதழாகக் காணப்படுகின்றது. இதுவொரு பெண்கள் அபிவிருத்திக்கான மாத இதழாகும். இதனை பெண்கள் அபிவிருத்தித்திட்டம், அகதிகள் புனர்வாழ்வு நிறுவனமானது இல.104, 04 ஆம் குறுக்குத்தெரு, யாழ்ப்பாணத்தில் இருந்து வெளியீடு செய்துள்ளது. சமுகத்தில் காணப்படும் பெண்ணடிமைச் சிந்தனைகளுக்கு எதிரான, பெண்களின் வளர்ச்சி சார்ந்த முன்னெடுப்புக்களின் களமாக இச்சஞ்சிகையானது வெளியிடப்பட்டுள்ளது. இதில் பெரும்பாலான ஆக்கங்கள் பெண்களினால் படைக்கப்பட்டே வெளியிடப்பட்டுள்ளன. அவ்வகையில் இதன் உள்ளடக்கங்களாக பெண்கள் முன்னேற்றக்கருத்துக்கள், சமூகத்தில் அவர்களுக்கு இருக்கும் சமத்துவ உரிமைகள் தொடர்பான கவிதைகள், கட்டுரைகள், குறிப்புக்கள் முதலான விடயங்கள் காணப்படுகின்றன.
